中頂

小心誘多，慎莫追漲
終於有時間整理一下呢篇，呢篇大約係恆指約22530水平左右出的，中頂指的是中期頂部，只係用電話極速地打左個title 用個subtitle 就頂著先。

中期頂部唔係指某一點，而係某一個水平，當去到呢個水平我認為中期買上風險已過大，有中期頂部的現象，心想可能有朋友見突破後高追便出個title 先。

點解我會認為呢個位有危險
總括而言，瞬間判斷有點係依靠經驗的，22500-22700水平是上周阻力區間，在225水平拉升根本無水位可言，指數要突破周線加日線BB頂需要更大的能量，然而，由於前期調整好淺，獲利盤無洗走的前題下，好難想像有好大的上升動力。

然而，市況最終量放但漲幅不大，盤面感到吃力，這些都不是什麼好現象。

技術上而言，日線圖STC 兩線已經去到90以上水平，加上RSI 13已觸到70警界水平，21周線為軸的BB 已經收窄，這些亦要考量的點。

股市主流都係輸錢
現今主流判斷都係買上，我認為，評論員壓倒性地看上便很危險，歷史不斷重現，洗腦式的買上買上及買上，末日博士絕跡，反而係另類指標，至少我看，短線也要再有些許調整，雖然我看調整幅度應該會大一點。